Zaanṭim ah Thantlang Taung Za Lat Car Gate An Bauh

Thantlang, Taung Za Lat Car Gate cu February 24 zinglam nazi 1:30 hrawngah zo a si ti theilomi nih an bauh i thil ziangmawzet an fir tiah theih a si.

“Covid 19 boruak ruangah nidang vekin Car Gate ah ka feh ringring lo. Asinan thilphur mawṭaw pakhat kan nei mi in thil a phur caan ah an mamawh ṭheu ruangah mawṭaw mawng pawl ṭawh ka kol ter lawlaw. Car Get ih ka feh lonak khal a rei phah thlang.”

“Tuizing ah phone call ka dong ih nan car gate an bauh. Thil hlomi um le umlo ra zoh aw in ti ih ka va feh cu caku bawm tumzet thawn Nga car kan retmi bawm 2 a hlo.”

“Online bazaar tuah pawl ih thil cah retṭhatmi khal a hlo. Cun, thildang pawl khal an haai nasa nan cabu tivek lawng a si tikah an fir lo. Ziangzetman hrawng a hlo ti cu ka thei lo” tiah Taung Za Lat Gate hmu Hlawn Hlawn nih TCP hnen ah a sim.

“Car Gate ah zaan riak an um nan hivek thil thleng zianghman ka thei lo a ti. An bauh caan hi zinglam nazi 1 kiangkap hrawng a si ko ding a ti” tikhalin Hlawn Hlawn cun a sim hrih.

2021 Febuary 24 zinglam ih inn an bauh lai hrawng ah hin Aye Chain mawṭaw Desiel khal tamzet a hlo tiah theih a si ih, hih thuthawn pehpar in Aye Chain Gate ṭuanvo neitu kan pehtlaih nan zianghman letnak kan dong lo tiah The Chinland Post in a ngan.

Leave a Reply

Your email address will not be published. Required fields are marked *