VP2 Pu Henry Van Ṭhio zarah Chin State in Vanzam tualrawn kan nei thei a si

Falam, Surbung Vanzam tualrawn ṭheh felfai hman a si hlan ah pawlkom pakhat ruangih tu dinhmun vekih suak thei vekin online ih cathlahtu an um hnuaihni ih tukhalah rampi Vice President Henry Van Thio ruangih cangsuakthei vekin ca thlah mi a um lala.

Ca an thlah mi cu an ngandan vekin ka rak let ding.

“Vanzam thawn kan khua Chin State ah kan tlung thei thlang ding.

Vice President U Henry Van Ṭhio hnaṭuan thokpek hrawngah, airport tuah dingah kei mah le Japan pa le Khua Lian Kam tiin Falam airport zoh dingin kan feh ih, Falam Upa pawl le Chin State Cozah lulam pawl thawn kan rak zoh.

Culai ahcun NLD Center Government nih airport hrangah thurelmi/tawlrelnak ziang hman a rak neilo.

Naypyitaw ah Vice President U Henry Van Ṭhio kan tong phah ih, in sim mi cu “Falam airport cu Cozah nih ṭuan pehzom dingin ṭan ka rak lak” in ti, Cumihnu reituk loah kyats 1 Billions airport hrangah a thlak cih ih Hluatdaw nih a pom hnu ah hnaṭuan ṭan ding a rak si.

Chin State sung ih airport um hmaisabik mi ah kan Pu Vice President Henry Van Ṭhio hi hngilh hrimhrim ding a si lo.

default

Kawlram sungih thuneibik minung 4 lakih U Henry Van Ṭhio tel ruangah kan Chin ram a ṭhangso cak zia hi hngilh hlah uh si.

Vice President Henry Van Thio le Chief Minister Salai Lian Luai in an term laite ah theipatawp suahih airport in tuahsak mi par ah ka lungawi tuk. Bawipa nih thlawsuah pek hram hai seh.”

Cangantu : Peter Ngun Za Zung – Chairman of All Chin Society Yangon
via TheChinExpress
Photo : PresidentOffice

Leave a Reply

Your email address will not be published. Required fields are marked *