Van Lian Mang hlonak Zarh 2 a luan thlang

Hakha, Cawbuk khua ih um Van Lian Mang (kum 23) cu May 13 ah inn ihsin a suak ih tu ni tiang a tlung hrihlo ruangah a sung le pawl thinphang, mangbang vansang in an um.

A hlo mi Van Lian Mang hi a nauhak lai ihsin caihnat a nei ih Lungthin lam khal tlasamdeuh a si. Pi Doi Thluai fapa a siih, kum 12 hrawng a si lai ah ni 3 sung a hlo dah ih Thantlang lam ah hmu leh sal a rak si dah.

A nu Pi Doi Thluai cun, “May 13 ni ihsin a hlo. Tuhlan khal ah a vak ṭheu ih zaan 9 – 10 hrawng ah cun a ra tlung sal ṭheu. Asinan tuṭum hi cu a ra tlung nawn lo. Kum 12 a si lai ah ni 3 sung a hlo dah ih Thantlang lam ah kan hmu leh sal” tin` a sim.

Van Lian Mang hi Lichia khau ah hmuh netabik a siih cuih zaan nazi 8 hnu in an hmu nawn lo. Cawbuk ih a sungkhat pawl in Lichia khua ah zaan hnih riak rorin an hawl nan tu ni tiang an hmu thei hrih lo.

Van Lian Mang a hmutu nan um pang a si len The Chin Journal Phone – 09445672734 ah theihter dingin zangfah kan lo dil.

The Chin Journal

Leave a Reply

Your email address will not be published. Required fields are marked *