US ram ah Chin Refugees 95,000 lak lut dingin Chin Association of Maryland in tawlrel

Pu Zo Tum Hmung hoha mi US hram bun Chin Association of Maryland .Inc cun 2021 sung ah Chin raltlan 95000 cu US ram ih laklut dingin US cozah hnen ah a dil.

Abikin East Asia ih um Chin raltlan harsa pawl hrang ah ṭhatheibik ih hmalaknak nei sak dingin a dil ih “UNSAFE: Chins Seeking Refuge in Malaysia and New Delhi, India” timi thulu thawn cahmai 28 (pdf file) report an suah.

Report ahcun ramthumnak thleng thei hrih lo mi India ram ih um Chin raltlan harsa an tam zia, Covid 19 boruak ih harsatnak an tong mi, kawl ram ih tlunsal ding an harsatnak, biaknak le nunphung bangaw lo mi lakih nuntukhawsak har zia, ramdang phunhnam dang lak ih thleidan an tuar mi tvk le Malaysia ih um Chin raltlan pawl ih hartsat tong mi, Malay cozah lam in duh tikih kaihkhih an tuar mi tvk pawl a tel.

Malaysia le India ih UNHCR in a ramsung um Chin raltlan pawl ṭha zet ih zohkhen ding ih simsak ding khalin dil tel cih a si ih UNHCR in Chin raltlan pawl zohkhen bawm thei nak ding hrangah bawm nak pek ding khal in ca an ngan tel.

Malaysia le India ih um Chin raltlan pawl ih harsatnak tuar mi le 2021 US cozah budget thawn Chin raltlan lat lut ding ih dilnak report ahcu American Baptist Churches USA ih General Secretary Emeritus Rev. Dr. Roy Medley hmin khen mi theihpi ṭanpinak ca, Indiana Chin Baptist Church, Indianapolis, Senior Pastor Rev. Dr. Stephen Hre Kio hmin khen mi theihpi ṭanpinak ca, Migration and Refugee Services of the U.S. Conference of Catholic Bishops ih Executive Director Bill Canny hmin khen theihpi ṭanpinak ca, Lutheran Immigration and Refugee Service ih President & CEO Krish O`Mara Vignarajah hmin khen theihpi ṭanpinak ca le World Relief ih Vice President for Advocacy and Policy, Jenny Yang hmin khen theihpi ṭanpinak ca pawl khal a tel a si.

Famkim in na siar duh le hinah hmet : “UNSAFE: Chins Seeking Refuge in Malaysia and New Delhi, India”

Leave a Reply

Your email address will not be published. Required fields are marked *