UN palai dingah sawm a simi Dr. SaSa thu ah Chinmi lakah Hmuhdan phun 2 a suak
Kawl ralkap in rampi ukhruai thuneihnak a la hnu ih dinsuahmi CRPH (Committee Representing Pyidaungsu Hluttaw) pawlkom cun kum 2020 rampi hrilawknak ih NLD palai ah a rak hmanmi Chinpa Dr. Sa Sa cu UN palai dingah a hril thu February 22 ah Facebook cahmai ah an tarlang.
CRPH cu 2020 rampi hrilawknak ih nehnak cotu NLD palai pawl ih dinsuahmi pawlkom a siih ralkap ukhruainak cu rampi cozah dik dinhmun ah an pom theilo ruangah CRPH an dinsuah mi a si.
Dr. Sa Sa UN palai ih an laakmi thu ah Chinmi lakah hmuhdan phunhnih a suak ih kan Chin ram hrang ṭhanso hmasawnnak hrangih Lamziin sial tuding a si ti`h zumnak neitu an um.
2008 Daanhrampi ṭhiatbal dan ding tawlrel saduhthahnak nei rero lai ah CRPH va dinpi cu cuih daan hnuai ah ka um duh lai hrih ti thawn a bangaw tikhalin khatlam zawngih hmuhdan neitu khal an rak um.
Culaiah, atufang kan ram boruak thawn a kau zawng in kan thlir thiam a ṭul titu khal an um a si.
Committee Representing Pyidaungsu Hluttaw (CRPH) in UN palai dingah Dr. SaSa a laakmi thuthawn pehpar in amah Dr. SaSa in a cohlang ding maw dinglo official in mipi a theihter hrihlo tiah thuthang kan dong a si.
