UDP hotu kaih ruangah Falam UDP campaign a hnaihnok lo – Pu Val Uk

Myanmar ramhuap le Chin ramkulh MP zuamtu mipum tambik pahnihnak a simi UDP hotu U Kyaw Myint an kai ruangah Falam UDP cun campaign nak ah hnaihnoknak zianghman a um lo tiah an sim.

UDP ihsin Falam peng Pyine No. 2 hmun zuamtu Pu Val Uk in, “Hotu an kai ruangah harsatnak zianghman a um lo. Kan cak sinsin ih tukhal hi Zongte khua kan thleng. Kan cawl cuanglo, kan vaak rero ko. Rampi huap khal in zokhal kan cawl lo kan vaak thluh” a ti.

UDP party hotu U Kyaw Myint cu Myanmar Company Daan pahbal le paisa thuhla ruangah 1998 kum ah kum 9 thawng thlak dingin thu ?hensak a si ih, kum 1 hrawng thawng a tlak hnu, 1999 kum ah Mandalay siizung ihsin a tlan dah timi thuthang um ruangah Myanmar cozah in zingzoinak a nei ih, September 29, 2020 ah pukmah 224 thawn an kai tiah ramsung thuthang in an ngan.

Hih thu ah Pu Val Uk cun, “A nih an kaih nak cu 1990 kum ih NLD in nehnak co cing in ralkap lam in thuneihnak an pek duh lo ruangah ca keng in ziang ruangah thuneihnak nan pek lo ti`n ralkap a rak tong.”

“Cumi ruangah ralkap pawl in pukmah 5 thawn thawng kum 5 an thlak. Kum 3 a tlak hnu ah an mah ralkap bawi pawl in a damlo tiah leng an suah ih cutin an luat cih. Cumi kum 2 te taangmi kha tuhnu kum 28 rei hnu ah kum 2 a duh lai tiah an mah in an ?huat lala ih tu hi thawnginn ihsin thu?hennak nei rero lai a si. Thuhla dang ziang hman a um lo” tiah a sim.

September thla lai hrawng ah UDP chairman U Kyaw Myint cu thawngtlak tlan a si tiah thuthang a suak ih cuih thuthang ruangah party hruaitu ?henkhat in thuhla umdan sim ciang dingin hotu hnen ah an ngen.

September 24 ah an hotu thawn pehpar in thuphuang suaknak a um ih cuih thuphuang sungah, sumpai thuhla ruangah siloin 1990 kum rampi thuneihnak, NLD hnen ih pek ding ah dilnak a nei mi parah pukmah 5 thawn thawng an thlak mi a si tiah an ngan.

Asinan rampi cozah lam cun thawngtlak tlan tiih puh mi thu ah zingzoinak an nei bet ih U Kyaw Myint cu September 29 zaan ah a mai` umnak inn ah cozah lam ?uanvonei minung 40 luan hrawng in an va kai.

Tuah, UDP hotu U Kyaw Myint cu hlan ih thawng an thlaknak Mandalay Oo Boo thawnginn ah an khum ih Oct 2 ah a hmaisabiknak thu?henzung an fehpi zo tiah theih a si.

Hram:Chinland Herald daily news

Leave a Reply

Your email address will not be published. Required fields are marked *