Tonzang peng ah Biakinn pakhat telin Inn 2 kangral

February 3, zianglam nazi 1 hrawng ih Tongzang peng, Zampi khuahlun kangmeisuak ah inn pahnih a kangral tiah theih a si.

Innkang thokdan thu ah thuhla fiangfai a suak hrih lo nan innkang mi cu Pastor Go Za Mung (သင်းအုပ်ဆရာ ဦးဂိုးဇမန်) umnak inn le Sevenday biakinn a si tiah Information and public relations department, Falam in Facebook cahmai ah a tarlang.

“Kohhran hruaitu Pastor Go Za Mung inn cu pee 24x24x9 sau, kau, sang a siih Sevenday biakinn cu pee 42x24x12 sau, kau, sang thinginn a si” ti`n IPRD Falam cun a tarlang hrih a si.

Inn a kang hnu nazi pakhat hlan ah khawmi pawl ṭanrualnak thawn meisa an phal suak thei tiah theih a siih meikang ruangah mithi le hliamhmatuar an um lo.

2021 kum thar hi thlakhat luan fang hrawng lawng kan hmang man lai nan saklam Chinram khua 3 rori ah inn akang zo ih mipahra kimzik nunnak a liam phah zo a si.

Leave a Reply

Your email address will not be published. Required fields are marked *