Tlawng ong thlang ding a si ruangah Falam Quarantine Center pahnih cu Cozah hnen ah Ap a si

Rampi fimzirzung ih thusuah vekin tlawng ong thlang ding a si ruangah Falam Quarantine Center hrang ih hman a si mi Canmari tlawng (SHS no.1) le Nah-ṭah-lah tlawng ih um pawl cu hmun dang ah an ṭhaw thu theih a si. .

Canmari tlawngih umtu mi 12 cu Lungpi Ciinthlak tlawngah an ṭhawn ih< Nah-ṭah-lah tlawng ih umtu 1 cu NTS hall ah an ṭhawn.

Quarantine Center hrang ih hman mi tlawng pawl cu Felfai te ih ap thei dingin meithat le volunteer pawl in thianfai sii kapnak pawl an nei ih an hlang mi ihkhun pawl khal an pek fel thluh.

Atufang Falam Quarantine Center ih um cu mipum 88 an siih Kutthiam tlawngah 23, Thiamtah tlawngah 10, Lungpi Ciinthlak tlawng ah mipum 55 an si. Falam Quarantine Center kiltu palik 3 le meithat 12 thawn an zaten mipum 100 an siih Covid – 19 Falam Committee pawl in nitin rawl an cawm.

Quarantine umtu pawl ih tirawl ei-in ding cu Covid – 19 Falam Committee in theipatawp suahin tawlrelsak rero a siih a hlu duhtu pawl cun Salai Nhgepi Thian Uk Thang (09-427731293) hnen ah pehtlaih theih a si.

ref : Chinland Herald DAILY News

Leave a Reply

Your email address will not be published. Required fields are marked *