Times Of India in Pu Salai Lian Luai thu a thlah sual

Leitlun huap ih hminthang ban Times Of India in Pu Lian Luai thu a thlah mi ah thusutnak a um ruri ruangah thuhla fiang kan run tarlang.

June 15 ih tarlangmi Pu Lian Luai thuhla ah Pu No Than Kap zuk lamlam an tar tikah thuhla theifianglotu miṭhenkhat cun ralkian dinhmun in Mizoram ih beutu cu Pu No Than Kap ah an ruat.

Zuk lawng zohin mai ruahhmang aupitu an um ih, thuhla fiang thei duhin TOI ca thlah mi kan zoh ciang tikah Pu Lian Luai thu an ngan mi a si ko.

Thuthang ngantu cu TOI palai HC Vanlalruata a siih zuk tarmi thleng sal dingin theihternak an nei nan, tuzaan nazi 9 tiangah zuk tarmi cu a keel a si lai.

TOI nganmi Thuhla felfai

Chin ramkulh CM hlun Pu Salai Lian Luai cu Mizoram ah beu nak hawlin kan dung zarh sungah India ram ah a lut.

Cumi thutawi cu Mizoram state government sungṭuan pakhat in TOI palai hnen ah a sim mi a si ih “Pu Salai Lian Luai cu him le dam cak in June thlalai hrawngah India ram ah a thleng fel zo” tiah an tarlang a si.

Kawlram a buai thok hnu ah himnak hawl in India ram ih luttu Kawlrammi mipum 9000 hrawng an um zo tiah theih a si ih Mizoram ah beunak hawltu ralkian tamsawn cu Farkawn, Khawbung le Champhai district ah an um tiah thuthang kan dong.

Leave a Reply

Your email address will not be published. Required fields are marked *