Thuthan : Himi FB cahmai hi report tengteng ding

Chinland Defense Force FB cahmailem thuthawn pehpar in Official CDF in report dingih thuthannak a nei cia bangin tukhalah hlo verver ko report tuah dingin dilngennak a um.

CDF ṭuanvonei mipakhat cun “May 12 ah fake CDF page report dingin thuthannak kan nei nan, atuah nung lai thotho in ca an thlah ringring.”

“Hlo verver ko report ding kan duh san cu bulpak puhmawhawknak ca a tarlang mi hin netahnu ah duh um lo zet mi buainak a thlen thei ti`n kan ruat ruangah a si.”

“Cathlahmi dik le diklo tilam siloin netahnu ah bulpak zawngin thuthang diklo thlah pang bang sehla mah le mah karlak ah buainak tiang a suak ter thei a si.”

“Curuangah himi Chinland Defense Force Facebook page lem hi hlo verver dingin report kan duh a si. Bulpak le pawlkom huatawknak ruangah siloin Chin mipi hrangah khua kan ruat ruangah a si” a ti.

Chinland Defense Force official Facebook Page cu 25 April 2021 ih tuahmi a si ih na lut duh le hinah hmet ….. Chinland Defense Force (Official)

Fake Chinland Defense Force Facebook Page cu 26 April 2021 ih tuahmi a si ih report na duh le hinah hmet….. Chinland Defense Force (Fake)

Report danding cu Chinland Defense Force (Fake) FB cahmai na lut hnu ah a hnuailam zuk ih number khen mi bangin a sangsangten hmet vivo aw.

Atak le Alem na thleidang har le page like tu kha zoh aw. Atak cu 46000 luan like tu an um ih Alem cu 2000 luan hrawng lawng like tu an um ding.

Leave a Reply

Your email address will not be published. Required fields are marked *