Thuanthu mawi ngantu Falam upa rinsantlak Mipali

Mipi hriltlinmi hruaitu hnawngin Myanmar kumpi cozah thuneihnak cuhtu kawl ralkap pawl in rampi ukhruainak council an din hnu ah Falam upa rinsantlak hnaṭuan an sawn mi an tam phah zo.

Cumi ah, tuhrihtiang khuatlang mipi theih ding ih tarlangmi hnaṭuan sawmnak dongtu Falam i rinsantlak upa mipariat an um zo.

Upa pariat lakah mipakhat lawngin ralkap ukhruainak hnuai i hnaṭuan sawmnak cu a rak cohlang ih amah cu Chinram ukhruaitu sinak a cohlang hnu ni 10 hlan ah mual in liam san zo.

Adang Falam upa rinsantlak 7 pawl cun ralkap i hnaṭuan sawmnak cu an cohlang lo ih, cumi ah mi pathum hmin pawl cu kan run tarlang zo.

Tuisun ih tarlang tharmi ralkap hnaṭuan sawmnak rak cohlang lotu upa rinsantlak mi pali pawl cu Pu Kuan Sang, Pu Hrang Bawi Pum, Pu Kap Vel le Pu Kawl Ṭhuam pawl an si.

Ralkap ukhruainak hnaui i hnaṭuan cohlang duhlotu Falam upa pali thu ah “Ralkap uknak council ah tel pi dingin sawm an si nan khua le ram ruat in, te le fa hrang thap awk in ralhruang ṭhapi thawn in dinpi mi parah Falam mipi in kan lo upat, kan lo rinsan a si” tiah F CDM S in Facebook cahmai ah an tarlang a si.

Leave a Reply

Your email address will not be published. Required fields are marked *