Thlanrawn Khua-Thar a kaang peh zom – Update

Falam peng, Thlanrawn Khua Thar cu tuizing October 14 ihsin a kaang thok ih atu ca kan ngan tiang khalah a kaang vivo tiah kan thei.

“SAC ralhraang pawl kut in a kaang thok mi a si. Pastor inn telin inn 8 lenglo a kaang. Biakinn kiang tiang a kaang rero zo ih Biakinn khal a kaang tel cih ding zum a um” tiah tualsungum mipakhat in FOM hnen ah a sim.

Zinglam nazi 11 hrawngah Falam, Vankau veng ih ralkap pawl umnak tat-kung lam ihsin meithaltum kah awn a thang ih, cumi in Thlanrawn khuathar inn pawl a ti kaang vivo mi a si thei tiah tualsung um pawl in an sim.

SAC ralhraang pawl cun mizaan October 13 lam ihsin Falam peng ih Rialti khua an urkaang ih tuizing ah khuapumhlum in a kaang tiah kan thei.

Siarbet : Falam tat-kung lam in Puak Kuai thawm a thang

Falam tat-kung lam in Puak Kuai thawm a thang

Leave a Reply

Your email address will not be published. Required fields are marked *