Thla 3 sungah Thantlang ih Vok 234 Thi

June thla sungah, Thantlang khawsung ih zuatmi Vok 44 cu Porcine Circovirus Type -2 natnak ruangah an thi thu theih a si.

“June thla sungah vok 44 an thi zo. Asinan kandung zarhte (June 27) ihsin tuni tiang vok thi dang an um hrih lo” tiin Dr Lian Bawi in a sim.

April thla ihsin Thantlang khawsung ih innzuat Vok pawl cu Circovirus nat in a tlak hai ih rawlei duhlo in an besia vivo ih an thi a si. April ihsin June (thla 3) sungah vok 234 pawl an thi zo a si.

Hih natnak ruangah Thantlang khawsung ih vok lutsuak kham a si hrih ih, Mithiam pawl in vok zuat pawl hnen ah vok domlo kilkhawi danding, vok inn thianfai ringring ding, zing tinten vok-ek thianfai ringring ding, hrik that sii kap theilo khalle Ṭhungvar phulh dingin zirhawknak khal an nei rero a si.

Cui tlun ah Thantlang khawsung ah voksa zuarlo dingin le khawsung ih vok lutterlo dingin cozah lam in tlangaunak an nei a si.

ref:KNT