Thantlang khuasung kahawknak ah amalbik mi 2 an thi

Tuini, September 9 sun nazi 1 hrawngah Thantlang khuasung ah kahdonak a suak ih hliam tuar le amalbik mithi 2 an um tiah theih a si.

Himi kan ngan tiangah zo le zo pawl an kapaw timi cu thufelfai a suak hrih lo nan puakkuainak le meithal thawn kahawknak a suak ih mithi 2 an um tiah khuami pawl ih simsawngmi cu Chinland Guardian in a tarlang.

Kahawknak ruangih ziin par ih thisen a suak mi siseh, cerek dawng le inn kah ngah nak tivek zuk pawl khal online ah hmuh ding a um.

Ramsung media ṭhenkhat khalin “kahdonak cu a dai zo nan khuasung mipi cu thinphang in an um lai. Khuami nunau pakhat an kap ngah ih nauhak pawl khal thinphang in an ṭap rero” tiah an tarlang.

Edit : Zaanlam nazi 3 kim hlan hrawngah Thantlang, biakinn veng ah inn a kang. Khuami pawl cun meithaltum kahnak ruangah a kang mi a si tiah an rel a si.

Leave a Reply

Your email address will not be published. Required fields are marked *