Thantlang Peng CNLD Pyine Hluttaw No. 1 in Chin Chin Pekthang in a cuh ve ding

Chinmi ih rinsan zetmi Chin Chin Pekthang cun aralaidingmi 2020 rampi hrilawknak ah Thantlang peng CNLD Pyine Hluttawn in a cuh ve tum thu theih a si.

Thantlang khawNu, khawPa pawl sawmnak thawng in le Chin ram ṭhansonak ding hrang ṭuan duh lungthin nei in thuthluknak a tuah mi a siih a mai` Facebook cahmai ah mipi thei dingin a than a si.

ChinChin PekThang cun “Thantlang khawnu khawpa, upa ṭhenkhat le rualpi pawl in Thantlang Peng ihsin Candidate lut dingin, in sawm ruangah tampi kalungawi.”

Ka phutawk lomi a tuvek ih sawmnak ka dong ruangah kalungawi. Ramkhelnak in miphun hrangah, mah ti theitawkten ṭuan kazuam ṭheu mi cu pehzom vivo dingin thuthluknak ka tuah ih Chin miphun hrangah ṭuan vivo dingin, in sawmnak cu ka cohlang a si.

Pathian in rem a ti a si ahcun kei khalin thlacamnak thawn tiimlaamnak ka nei ding. Thlacamnak in, in bawm cio hram uh. Nanzate par ah kanlungawi” tiin a mai` Facebook cahmai ah a tar a si.

Chin Chin Pekthang cu Thantlang peng, Van Zang khuami Pu Pekthang ih fanu a si. Atuah, Nationalities Brotherhood Federation ah Director, Union Peace Dialogue Joint Committee le Union Peace Conference 21st Panglong ah Facilitator dinhmun in kawlrampi le Chin miphun hrang ih hnaṭuantu a si.

Leave a Reply

Your email address will not be published. Required fields are marked *