Thantlang le Hakha hrang ah CNO/CNDF in phulei sam tum

SAC ralhraang in September 18 ih Thantlang khuapi a siatsuah mi le Hakha khua sung a kap mi thuthawn pehpar in Chin National Organization/Chin National Defense Force cun ralhraang a dem thu le mipi thawn ṭangtlang in phulei a sam ding thu telin a hnuailam bangtukin September 22 ah thusuahnak a nei a si.

CNO/CNDF THUSUAH

CHIN RAMKULH, HAKHA LE THANTLANG KHAWPI SUNG SAC IN NUNRAWNG TAKIH AN CANGNAK PARAH THUSUAH

September 22, 2021

2021 September 18 ni ah State Administration Council (SAC) ralkap pawl in Chin ramkulh, Hakha khawpi le Thantlang khawpi ah hriamhrei picang thawn an tongpa kah ciamco ruangah Biaknak lam building telin mipi inn le loo pawl, mei a kang in an sungral a si.

Cui’ hleiah meikang phal dingih a fehtu Thantlang pastor pakhat cu Tualthat SAC ralkap pawl in an kap that ih hlei ah, a kutzung nau-um cu tansak in a zunghruk le nahzi pawl an lonsak a si.

Chin ramkulh Hakha le Thlantlang khawpi ih an tuarnak le an sunral mi pawl parah CNO/CNDF in kan tuarpi zet a si.

Kan sulphumnak kan Chin ram rori ah SAC in lainatnak tel lo zetih an tuahmi parah hin kannih CNO/CNDF cun nasa takin kan demih, kan Chin mipi thawn ttangtlang in phulei kan sam ding ti thu kan run than a si.

Leave a Reply

Your email address will not be published. Required fields are marked *