Thantlang khuasung kah-do thu ah CDF in Official in thu an suah

Tuini, September 9 sun nazi 1 hrawng ih Thantlang khuasung kahdonak thu cu CDF in official in nemhngetnak an nei ih ralhraang 2 kan kap that tiah an tarlang.

“Tui sun September 9 nazi 1 hrawngah CDF-Thantlang le SAC ralhraang pawl cu khuasung hmun pakhat ah an kapaw ih ralhraang lam mi 2 an thi. Kan lam ah hriamtuar le khawngaw an um lo.”

“Ralhraang pawl in khausung lam hoih in meithaltum/fate an kap ciamco ruangah khuami mi 4 in hriam an tuar ih inn pakhat khal an urkang” tiah Chinland Defense Force cun official in thu an suah.

Cuihtlunah SAC ralhraang pawl ralrinpeknak an nei cih ih “Khuami par ah a hraaang zawng cangvaihnak siseh, zaanį¹­im ih mikhual check nak le mipi him lo dingih nan tuah sung cu kan nih CDF-Thantlang in na cii mit ko kan lo do ding” tiah SAC ralhraang ralrinpeknak an nei.

Tuisun, Thantlang khuasung kahdonak ah nauhak telin khuami hliam tuar mi 4 an um ih inn pakhat a kang tiah theih a si.

Leave a Reply

Your email address will not be published. Required fields are marked *