Thantlang khua ih Quarantine Center an Siat Sak

Thantlang khua, Quarantine Center ih hman mi Lehpannak innpi sungih sak ṭhat mi inn-khaan fate pawl cu hmin theilo mi nih an siatsuah tiah theih a si.

Hmunhla ramhla ihsi ra tlung pawl le Quarantine lut ṭul pawl a hranten retnak ding hrang ih, Lehpannak innpi sungih an sak ṭhat mi inn-khaan fate 15 pawl an siat thulh mi a si.

Hih thuthawn pehpar in Thantlang khuauk U Tin Aung Win cun “China ihsi ratlung minung 2 Quarantine lutding an si ih, an um nak ding hmun kan va zoh cu, a rak siat ṭheh deuh thaw.”

“Quarantine lut pawl hrang ah remcangtheibik dingin Lehpannak innpi sungah inn-khaan fate 17 kan sak bet. Cu pawl cu a siat ṭheh deuh thaw ih a ṭha khaan 2 lawng a tang” tiah ChinWorld hnen ah a sim ih “innpi sungah bawhlung khal an sit. a tlunlam thlalang an khuai ih an lut. zu-in nuamceennak ah an hmang” a ti.

Asiatsuahtu zo a si timi theih a si hrih lo ih Thantlang palik le Khuauk ṭuanvo nei komaw in zingzoinak an nei lai tiah Chinworld cun a tarlang.

Tufangah, Thangtlang khua sungah siizung ih Quarantine lu pahnih le China ram ihsi ra tlung minung pahnih thawn, Quarantine luttu mi pali an um a si.

Leave a Reply

Your email address will not be published. Required fields are marked *