Thantlang khawluh gate ih duty tu Mualpho la la

Ziinkap ih phum lawk mi Mai Sui Hlei Ṭial ruak vui nak thu buai hman fiangfai man hlan ah Thantlang khualuh gate kiltu an mual pho lala.

October 17 zaan nazi 8 hrawng ah Thantlang khualuh gate ihsin khuasung lut tumtu khualtlawng pa cu duty tu pawl in nehnor le awka hro in an biak ciamco.

Khualtlawng pa cun a hmuh ton mi thu thawn pehpar in Chin World hnen ah ca a kuat ih cakuat sung ahcun “October 17 zaan nazi 8 hrawng ah Thantlang khualuh duty nak hmun kan thleng ih duty pawl cun lamziin in khaam.”

“Hmuh ṭul ding mi ca poimawh pawl cu vaidip sung ta ka phorh suak ih pek ka tum lai fangah ralkap pakhat in ka zaal in long ih ‘ziang ah saw hitin in pek. Zo ka si ti na thei maw? Ka liang hi zoh hnih aw ziang na cang duh’ ti`n nehnor le awka hro in, in phun` ciamco. A mawi nak in le buai ka peih lo ruangah a ṭong mi hmuahhmuah cu siee, a dik mi si ti`n ka sang let leh sal.

Ramsung mi si nak in hivekih hringhro nehnornak cu ka lung kim thei lo. Curuangah adiklo zawng ih hna an ṭuan mi cu ka dodal ih mipi in an mizia thei ciang thluh dingin himi ca hi in share sawng sak uh ti`n khualtlawngpa cun a ngan a si.

ref:Chinworld,TCE

Leave a Reply

Your email address will not be published. Required fields are marked *