Thantlang : JCB cangsual ah Nauhak 2 an thi ih mi 5 siizung thleng

Thantlang peng Bungtlang khua ih JCB cangsual ah nauhak pahnih an thi tiah theih a si.

September 7 zinglam ih thilthleng a siih, hih cangsualnak ah JCB mawngtu le nauhak 7 an tel.

Nauhak pawl in JCB to an ngen ih, a mawngtu khalin an lungawi nakah ti`n nauhak 7 pawl cu a hmailam, Leinawr/thiar nak kheng sungah a to ter hai.

Hri-awh tiva lam pan in an feh ih tiva thleng hlan ah an kirsal. Vansiatthlak zetin, an kir lam ah an cangsual ih JCB hmailam kheng sungih to, nuahak pahnih an thi ih adang panga pawl khal sizung lam ah tuamhlawm an si.

Thuhla umdan cu Pa Hu Lawngsang nih a Facebook cahmai ah hitin a ngan.

“Tuzing cu Bungtlang ah vansiatnak rapthalk a thleng. Nauhak pawl in JCB to an ngen ih a mawngtu in nauhak 7 (numi 2, mipa 5) pawl cu JCB hmailam kheng sungah a phur hai. Hri-awh tiva ziin in an tlung lai ah an cangsual.”

“JCB mawngtu cun break a siat ruangah bahkhawnnak kan tong a ti. Amah JCB mawngtu in nauhak pawl cu khawsung ah a phurlut thluh hai. Thantlang siizung lam ah mi 5 fehpi an siih, mi pahnih cu an besia deuh ruangah Hakha siizung an panpi. A poi tuk rori si. Ka sungkhat le ka unau fa le lawnglawng an si” tiah Pa Hu Lawngsang cun a Facebook cahmai ah a tarlang.

ref:TheChinExpress

Leave a Reply

Your email address will not be published. Required fields are marked *