Thantlang bomb puak ah mipakhat thi, 12 in hriam tuar

August 27 ih Thantlang khuasung bomb puak ah Pu Hlei Bik (kum 45) a nunnak a liam ih a fa le pahnih telin mi 12 hrawngin hriam an tuar.

Veng mino pawl in kahdonak ruangih Pu Hlei Bik tei` inn siat mi an rem sak lai ah an tual ih ralhraang pawl bomb puak hrih lo an ret ṭhat mi a puak a si.

“SAC ralkap pawl ih kah mi 60mm Motor bomb cu puak loin an hmuan sung ah a tla. Cumicu a fa le pawl in innhmai ah an ret ih a puak kuai. A hmun ah innteekpa Pu Hlei Bik cu a thi cih” tiah veng sung um mipakhat cun a ti.

Hriam tuar pawl lakah a fa le 2 an tel ih, a fapa pakhat cu a pa kiangnai rori ah a to ve nan mangbang thlak zetin a khawngaw ve lo tiah a mah cun a rel bet hrih.

August 25 ih Thantlang khuasung kahdonak ah nauhak kum 10 mi pakhat a thi ih hriam tuar dang khal an um.

Cuih ni thotho ah ralhraang pawl ih meithaltum kah mi in Tlawnginn veng ih inn 13 le mawṭaw cycle 4 a siat suah tiah theih a si.

Leave a Reply

Your email address will not be published. Required fields are marked *