Tedim peng Khua 10 ah ZRO Tapung in Paisa Khong

Tedim peng sungih um khua 10 pawl cu ZRO tiih kawhmi Tapung pawl in paisa an khong thu theih a si.

Zomi RE-Unification Organization (ZRO) tiih kawhmi Zomi Revolutionary Army tapung pawl cu India ram ah hrambun in um mi an siih August 18 ni in Tedim peng khua 10 pawl ah paisa an khong mi a si.

Tapung pawl ih paisa khongmi khua pawl cu Covid-19 Economic Relief Plan (CERP) project ngahtu khua 35 sung ih khua 10 pawl hnen ah an dil mi a si.

Khawlam ṭhansonak zung in Covid-19 Economic Relief Plan hrang ti`n Ramkulh sung khua 110 ah bomnak an pek ih cumi sungah Tedim peng khua 35 in an ngah.

Cuih khua 35 sung ihsin khua 10 hnen ah ZRO in Fund hrangah ti`n an ngah mi paisa ih zaṭeek 2 an dil mi a si tiah CH daily news cun a ngan a si.

zuk:vaphualtimes

Leave a Reply

Your email address will not be published. Required fields are marked *