Tedim ih Lingmaw cingtu pawl in harsatnak tong

Tedim peng ih khua tamsawn ahcun inn tin deuh thaw in lingmaw an cing.

November le December thla hi a cuut lai fangte a si ih kum dang ahcun lingmaw zuartu pawl cun tu tikcu ah an khawng ṭha zet.

Asinan, tukum cu Covid 19 boruak thawn khualtlawng sukso kham a si tikah Lingmaw zuartu pawl cu zuar khawng ṭha thei loin harsatnak an tong.

Sagaing ramṭhen, Kalay lam ih an kuat ṭheu mi khal Covid 19 ruangah a hlan vekin kuat ṭha thei loin harsatnak an tong.

Hih thuthawn pehpar in Kalay-Tedim ziinpi ih Lingmaw zuartu mipakhat cun “kum dang ahcun Lingmaw pum hra fun mi pakhat ah 3000/- kyat hrawng in ka zuar ih tukum ahcun 1500/- kyat ziin in zuar a ṭul. Cuticing khalin khualtlawng sukso an um lo tikah nikhat ih 10000/- man zuar ding a harsa” ti`n RFA hnen ah a sim.

Leave a Reply

Your email address will not be published. Required fields are marked *