Tedim Bazaar kiangah GAD zung bawi an kap that

Tuni, March 6 zaanlam khawthim hlanah Tedim pengukbawi (General Administration Department) U Kyi Min Htun cu khawlaili bazaar kiangah an kap that tiah theih a si.

U Kyi Min Htun kapthattu hi zopawl an si ti theih a si lo ih, zo pawl cangvaihnak a si tikhal thuthannak zianghman a um hrih lo.

Tualsungum mipakhat cun “an kap veten siizung lam ah tlanpi lohli sehla cu a nung dam men thei ti`n a hmutu pawl in an rel. Ziin ah caan tawk mawi a um ih siizung mawṭaw thawn an phur hnu ah a nunnak a cem ti`n kan thei” tiah a ti.

GAD zung bawi U Kyi Min Htun cu kum 32 vuakvelmi a si ih Gangaw District, Saw Township ihsin hnaṭuan an ṭhawn hnu, Tedim pengukbawi a ṭuan nak kum 1 fang lawng a rei lai tiah an sim.

Kan ram a buai hnu, SAC ralhraang cozah hrang hnaṭuantu pawl cu Dothlennak thapetu pawl in ralpi pakhat vekin an hmu ih, rampumhuap in Khawbawi, venglal le pengukbawi thah tuar theih ding an tam zo a si.

Leave a Reply

Your email address will not be published. Required fields are marked *