Tedim ah မိဘရိပ် dawr neitu an kai

Chin ramkulh, Tedim khawsung ih မိဘရိပ် dawr neitu telin dawr thil phur tumtu mawṭaw mawngtu siseh, mawṭaw thluntu le gate ih ṭuanvonei mipakhat cu ralhraang ralkap pawl in an kai.

August 3, Kalaymyo ah Laitlang lam so dingmi mawṭaw par thil an thiar laifang ah ralhraang ralkap pawl in ceekawknak an tuah ih dippi pawl an ong sak.

Dippi pathum sung ah hramlak hruh Kedan khuah 146 an hmu ih gate ih ṭuanvoneitu telin mawṭaw mawngtu le a thluntu an kai tiah an mah thawn naivaitu mipakhat in a rel.

“Dippi par ah မိဘရိပ်, Tedim ti`n a ngan aw ih Tedim ih မိဘရိပ် dawr neitu Daw Zam Khawl Cin khal cu August 3 zaanlam ah a umnak inn ah an kai.”

“Kan zum dan ah hramlak ih cangvaitu Chin ralkap pawl hrang an tawlrel sak ah an ruat si ding. Dawr neitu hi hnipuan, nauhak upa hruh Kedan tivek zuartu a si” tiah amahcun a ti.

Ralhraang ralkap cun Kalay mawṭaw gate godown sung an ceek bet ih Kedan dangdang pawl khal an kai bet cih tiah amahcun a rel bet hrih.

Atuih ralhraang ralkap kaihmi Kedan cu Laitlang lam ah Lothlonak le ramtawinak tivek ah nauhak, upa, nunau, mipa ti um lo in an hmang zet mi Kedan a si.

Leave a Reply

Your email address will not be published. Required fields are marked *