Tahan : Ralkap pawl in hmai an nor, Rocket Bomb le Machine Gun an hmang

Tahan ah ralpi a tho ih mipi tuahmi ralkham/ziinkham pawl cu ralkap le palik pawl in RPG (Rocket-propelled grenade) bomb le Machnine Gun hmang in an ṭhiat sak ih mal teten hmai an nor tiah ramsung media ṭhenkhat in an tarlang.

“Tahan khuasung cu ralram a bang zo. Cawplecilh in meithal puak thawm a thang. Bomb khal a malbik voi 10 hrawng cu a puak zo ding. Ralkap pawl in cerek tampi tlemmi Machine gun khal an hmang” tiah Tahan khuasa mipakhat in a sim.

Tuisun, mipi le ralhrang pawl an kah aw hnu, minung 10 luan in hliamhma an tuar zo ih nunnak liam khal mi pahnih an um zo tiah theih a si.

Online ih an tarlang mi ṭhenkhat ahcun ralkap le palik hi hmun dang ta khal an cah bet ti a si ih kahawknak hi olaiten a dai hrih lo dingin a lang.

Chinpa pakhat cun “Kalay ah kahawknak a thlen zo tikah, mipi’n a rang thei bikin Meithal țha kan țul. Thin a pit, riah a sia, Meithal thawi kan țan thluh lawlaw a țul zo.”

“Rinsanmi upapawl meithal țha ngah thei dan ding, in ngaihtuah pi hramuh law. Kalay Myo mi ralṭhapawl upatnak kan lo pe. Ral lo kappawl kut ihsin mual in liamsantu pawl lo ui zet le riahse zet cingin upatnak kan lo pe.
(Nan thisen, nan nun hlannak a lak hrimhrim lo ding).” tiah a tarlang.

Leave a Reply

Your email address will not be published. Required fields are marked *