Sunpadir ah Tahan, YCW boarder kiang ih inn a kang

Sagaing Ramṭhen, Tahan, G Group, YCW boarder kiang ih Pu San Hlei Khup inn cu January 21 sunpadir ah a kang.

“Ni tha khawlnak Solar battery saluar ruangah a puak kuai ih Pu San Hlei Khup tei` inn tlun lam a kang” tiah ramsung media ṭhenkhat in an tarlang.

Kangmei suak veten Tahan meithat zung ih ṭuanvonei 10 luan in meithat mawṭaw thawn an pan lohli ih zaanlam nazi 1 luan hrawng ah mei an phal thei.

Pu San Hlei Khup tei` inn cu dot 2 a si ih inn tangta a kang man hlan ah meithat pawl in mei an phal man. Kangmei ruangah mithi le hliamhma tuar an um lo tiah theih a si.

Meikang ah Pu San Hlei Khup tei` ṭhenhra ṭhenkhat retmi le paisa dang, 200W solar panel le 70W battery bur a kang tel ih meikang ih sunralmi cu kyat 9610000/- man hrawng a si ti`n Information and Public Relations Department, Kalay in a tarlang.

Leave a Reply

Your email address will not be published. Required fields are marked *