Surbung Vanzam tualrawn Onpuai tuah ding Ni an phuang

February 20, Chin Phunpi Ni ah Surbung vanzam tualrawn onpuai khal tuah tum cih a si thu theih a si.

Hih thu thawn pehpar in Falam Khua nu/pa pawl cun January 27 ah thureltlangnak an nei ih Surbung vanzam tualrawn onpuai ah anmah khal in Siapi pakhat suahpi ve dingin an relcat a si.

Falam khua nu/pa hotu Pu Hrang Lawm Thang cun “February 20 ah Surbung vanzam tualrawn onpuai tuah cih dingin Chin ramkulh cozah in tumtahnak a nei ih kannih khalin timlamnak kan nei ve” a ti.

Surbung vanzam tualrawn onpuai ah rampi thuron Daw Aung San Suu Kyi rori tel thei dingin ramkulh cozah in a sawm zo tiah theih a si ih, Covid boruak a si hrih ruangah puai hmun ah mi tampi tel theih a si lo ding nan sunglawi ropi zetin tuah thei an beisei a si.

Chin Phunpi Ni ah Surbung vanzam tualrawn onpuai tuah cih ding timi cu a fiang zo nan ziangtin tuah ding timi cipciar cu a fiang hrih lo tiah Chinland Herald Daily News in a tarlang.

Leave a Reply

Your email address will not be published. Required fields are marked *