Surbung Vanzam Tualrawn ah ka KENEH a lang – CM Pu Salai Lian Luai

Chin ramkulh sungih hmaisabik vanzam tualrawn sidingmi Surbung vanzam tualrawn thuhla ah, an tuah pehzom thok ihsin thuthang lengvak a tam zet ih bulpak, pawlkom cangvaihnak ruangih cangsuak theimi vekin a reltu khal an um.

Cuih thuhla pawl theifing duhin tuni tiang thusuttu an um ringring lai ruangah CM Pu Salai Lain Luai in a mai` theitawk ih a ṭuan ve nak pawl simfiahnak a nei.

Amah cun – Surbung thuhla hi keimah keimah an ti si hihi thudik ziangvek asi tin 2-8-2020 zaanah suhnak a um.

Himi thu ah Falam hmuahhmuah mah le tithei tawkin kan t’ang cio. Nuhmei tiangin arti le arkhai thawhin t’anlak asi. Bulpakin keimah keimah ti’n ka rel dahlo. Asinan, suhnak a um ruangah ka run rel.

Lt.Col Kap Cung Nung in a thok. Falam khawnu khawpa pawl ih ṭanlaknak pawl, bulpak ṭanlaknak pawl, hluatdaw lam thawn ṭantlangnak pawl cipciar zetin a run rel hnu ah- Tamadah zung i finance commission thu relnakah tangka billion 37 (Kyats 37,000,000,000) cem ding asi tlunah ngahsalnak lam um loin cozah in a sung rori tuahsak ding asi i sumpai um lo ruangah tuahlo dingin an rel cat thu in sim.

Asinan ka dingih – Cuti asile NLD in ṭhangsolo ram le ṭhangsoram pawl bangrep in kan tuah ding nan ti si, nan tuahlo ding asi le nan policy nan thleng a ṭul tin ka au ciamco. Daw ASSK a ding i thinheng zetin party policy khal kan thleng theilo, cozah policy khal kan thleng theilo, Laitlang hrangah ziangzat sun asi khal le tuah uh
tangka hawl uh, pe uh a ti.

Finance minister in himi thu ah keimah lawngin ka timi asilo, kan relkhawm VP2 khal a tel, ṭuanpeh theinak ding ah 200 million ka lo pe sung ding tiah in ti. Kumcem lamah ting 50000 in pe bet. Cutin tui dinhmun kan thleng theinak asi.

Hivekin thu reltheitu tui ni tiangah zohman an umlo. Keimah lawng ka si. Tamadah zungah meeting thurelnak zuk le aw record thluh asi. Cui record ah ka au aw a khawk in a thang ruangro” a ti.

via Ngun Thawng FB cahmai

Leave a Reply

Your email address will not be published. Required fields are marked *