Soiselnak phunphun lakah 2021, Chin Kumthar Puai tuahtum

US ram ih 2021 Chin Kumthar Puai tuah ding thu ah internet cahmai ah soiselnak tamzet hmuh ding a um nan Chin Community, USA Inc. cun 2021 Sep 03 ihsin 05 tiang, Michigan ah sunglawi zetin 2021 Chin Kumthar Puai tuah ding a si thu tlangthannak an nei.

2021 Chin Kumthar Puai hrang thuthannak ahcun “Kum 2021 Chin Kumthar Puai cu Samṭok khua tiih kan theih lar zetmi Battle Creek, Michigan ah nei ding kan si.”

“Sep 03-05,2021 tiang sunglawizet in tuah thei dingin innteek lam khalin nasaten timlamnak an nei thok rero zo.
Tuiṭum puaipi tuahnak ah kawlram ih kan phunpi pawl tuar rero mi harsat thu le bawmtonaw danding tvk khal relkhawmnak nei ding kan si” tiah an tarlang.

Cuih puai thu thawn pehpar in Kawlram buai lai le kan mi le sa that tuarin harsatnak phunphun an tuar lai ah ramleng ramnuam ih um Chinmi pawl cun puai kan rak tuah san thei ding maw? ti`n puaipi soiselnak cu internet cahmai ih ngan mi hmuh ding tamzet a um.

Falam Pacangno Pawlkom (USA) khalin 2021 Chin Kumthar puai tuah ding cu rem an ti lo thu le Upa hruaitu lam in thu ṭhaten ruat sak sal dingin thusuahnak an nei a si.

Leave a Reply

Your email address will not be published. Required fields are marked *