Sim Dihai khuasenpi in Zinghnam Raal An Do

Falam peng, Sim Dihai khua ah zinghman pawl in Lorawl an siatsuah nasatuk ruangah khuami pawl in harsat an tuar tiah theih a si.

Zinghnam pawl cu zaan khuathim veten an cangvai thok ih zaan khat ah Loram acres pakhat tluk an siahsuah tiah Sim Dihai khuami pakhat cun a sim ih “Atufang hi kan vainim pawl paw ṭhat rero laifang a siih Zinghnam raal do ah kan mino pawl an buai. Zaan nazi 8 ihsin zinglam 2 tiang hrawng cu, it thiam lo in Lo an kil ringring” a ti.

Sim Dihai khua a tlawngtu Pu Kap Thang khal in, “an khuasung ih kan riahnak inn ahcun zinghnam a tam ciamco lo na`n Inntek tei` fapa pahnih, Lo riaknak in an ra tlung tikah zinghnam 20 hrawng an awk mi thawn an ra tlung ṭheu cu, ka mangbang thluh rori” a ti.

Sim Dihai khuami pawl cun, harsat an tong mi thawn pehpar in Ciinthlak zung, Uknak lam zung le NGO lam in khuasenpi harsat tuarmi cu theihpi in, bomnak tawlrel dan hawlpi dingah an beisei tiah CH daily news cun a tarlang.

Leave a Reply

Your email address will not be published. Required fields are marked *