Siat sak tuar Thlanmual hminkhennak Thingcross tung ding sal

March thla ih Falam Catholic thlanmual thingcross hausak tuarmi pawl cu May 11 ah thlausuah peknak le thlacamnak nei in an tung ding sal tiah theih a si.

Tualsungum mipakhat cun “March thlacem lam ah khan Catholic thlanmual, Canbari thlanmual le Cawngṭhe thlanmual ih hminngannak thingcross ṭhenkhat cu zo a si ti theilomi misuaksual ṭhenkhat in an hau sak.”

“Cumi tungding salin Falam Catholic thlanmual ah siattongtu innsang, upa ṭhenkhat le kohhran upa ṭhenkhat telin thlacamnak le thlausuah peknak thawn caan an hmangmi a si” a ti.

Thingcross tungding salnak cu Falam Pacang No Pawlkom (FPNP) in ṭuanvo lakin tawlrelnak a nei mi a siih, hih thilrapthlak Falam ih a thlenmi thuthawn pehpar in May 14 khalah YCC hall ah sathi luan`nak thawn Pathian hnen hlannak an nei tum tiah theih a si.

zuk : RVAFS

Leave a Reply

Your email address will not be published. Required fields are marked *