Salai Ceu Bik Thawng in CNLD party a suah san

Chin National League for Democracy (CNLD) ih General Secretary ṭuan rero lai Salai Ceu Bik Thawng cu party ihsin a cawl fel tiah theih a si.

2021 kum thok lam ah CNLD General Secretary ṭuan dingih hriltlinthar Salai Ceu Bik Thawng cu tuṭum Dothlennak boruak ah thuuk deuh ih tel a duh ruangah party hnaṭuan ihsin a cawlmi a siih party lam khalin a colhnak an cohlang zo tiah theih a si.

Ramkhel party hotu pawl cu Dothlennak ah tel a ngah lo ti`n Uktu lam ih suahmi Daan sungah a um ih cumi pahbal cun party tiang ṭhiatbal ton a theih ruangah tuvekin Salai Ceu Bik Thawng in party a suahsan hi a si.

Hih thuthawn pehpar in CNLD Chairman Pu Ngai Sak cun “mipi thazaang pek ding cu kan hnaṭuan a siih miphun aiawh in cabuai parih thuhla rel ṭul caan a um leh tikah Chin party a um lo cun hmailam caan ah kan miphun hrangah sunralnak tiang a suak thei ruangah ralring te`n kan um mi a si” a ti. (CH daily news)

Leave a Reply

Your email address will not be published. Required fields are marked *