SAC ralhraang pawl Falam ah an thleng fel zo

Doawknak hrang timlam in Chinram pantu SAC ralhraang ṭhenkhat cu Falam ah an thleng fel zo tiah kan thei.

Tualsungum mipakhat cun “Mizaan ah Lungbang khua ah an riak ih tuini ah Falam ah an ra. Raldonak mawṭaw Tank telin mawṭaw 20 hnak ih mal lo an si.”

“Falam khuasung Lehpan innpi khalah palik pawl an pungkhawm ti`n kan thei. Falam pantu ralkap mawṭaw dang khal an thleng lai ding tiah kan thei” a ti.

Cuihtlunah Falam peng sung um khuami ṭhenkhat cun Laiva kiangkap ah ralhraang Jet vanzam an hmu thu an rel ih ramsung media ṭhenkhat khalin CNF Camp naivai ah ralhraang Jet vanzam an hmu thu an tarlang a si.

Atuih, Saklam Laitlang pantu ralhraang pawl cu CNF le mipi humtu ralkapbu do dingin an ra mi a si tiah rintlak hnen ihsin thuthang kan dong a si.

Leave a Reply

Your email address will not be published. Required fields are marked *