SAC-ralhraang kut tuar Chin pacangṭha pahnih ih ruak vuiliam

SAC ralhraang kut tuar Chin pacangṭha Pu Ral Tu Lian (kum 77) le Pu Hram Cung (kum 59) ih ruak cu buaibainak umloten an vui liam zo tiah theih a si.

September 29 zaanlam nazi 6 luan hrawngah Thantlang khuasung ih thilri fingkhawi dingih fehtu mi 5 tomi mawṭaw cu SAC ralhraang pawl in an rak kap ih passanger 4 lakih telve Pu Ral Tu Lian le Pu Hram Cung te pahnih cu ralhraang kut tuar in an nunnak a cem.

Mawṭaw mawngtu le passanger pakhat cu him dam in an um ih, mipakhat in a Lu ah hriam a tuar tiah kan thei.

Ruakvuinak thu thawn pehpar in Hakha Township Public Healthcare & IDPs Management Committee cun a hnuailam bangtukin an tarlang a si.

1. Hakha in motor 14 in minung 40 fai nih Thantlang kan pale ruak kan va fim hna. Thantlang kan phak tiang an motor cungah fimhlawm lo tein an ruak a rak um. Thinlung afak tuk ko nain upatnak sangbik pek buin an ruak kan fim khawh hna caah kan lung a tling.

2. Rev Dr Za Khar (HBA President) nih, “Hremnak innak khua Rome zaam tak a tim tu Peter nih lam ah Jesuh he an i ton tik ah Rome lei ah a kir than i dinnak rian a tuan buin Rome ah vailam cung biktaling tlainak in nunnak a pek,” tiah Pathian bia a kan hrawmhmi nih kan lung a thawnter ngaingai.

3. Rev Chan Peng Hmung (HBA GS) nih kan pale upat peknak he ruak a vui hna caah kan lungtling khun.
4. Kuan hma a ingmi kan pale chungin Pu Zo Peng le Pu Than Heng hna zong Hakha ah X-ray tha tein thlak an si cang. An result a tha. Tuan ah dam ding an si tiah sibawi nih an kan chimh caah kan hnangam deuh ngaingai.

Leave a Reply

Your email address will not be published. Required fields are marked *