SAC Ralhraang pawl in Thlanrawn biakinn urkang khuasuak thei lo

SAC ralhraang pawl in Thlanrawn khuathar an Urkaang ṭum ah Biakinn khal an khaang cih tum nan kaang lo in a mit saal.

Biakinn an urkaang tumnak zuk cu Online ah a darh ih zuk sung ahcun pulpit puan zar ṭhenkhat a kaang mi a lang.

Ralhraang pawl in an mit saal maw? amahten a mit saal ti cu theih fel a si lo ih, online ih zuk darh mi ah Biakinn pulpit le tohkham pawl an let thluh mi khal a lang.

SAC ralhraang pawl cun Falam ihsin Hakha lam an pan hnu October 13 ah Rialti khuapumhlum deuh thaw an Urkaang.

October 14 ah Thlanrawn khuathar an urkaang bet ih Biakinn khal urkang cih an tum nan kang lo in a mit sal tiah khuami pakhat cun a rel.

Ralhraang pawl in ni 3 sungah Falam peng ah inn 20 hnak ih mal lo an Urkaang tiah kan thei.

Leave a Reply

Your email address will not be published. Required fields are marked *