SAC ralhraang in Falam peng ah Inn 7 hnak ih mal lo Urkaang

Falam peng, Rialti biakinn telin Rialti khua ih inn pawl cu SAC ralhraang in Hakha lam an pan phah ah an urkang tiah theih a si.

“Falam lam ih tonkaabik inn an urkaang thok ih Biakinn telin inn 7 hnak ih mal lo an urkaang. Innkhat tla cu nazi 6 luan tiangah a kaang rero lai” tiah kan Hram hnen in thuthang kan dong.

Falam ihsin an pok suak hnu, Lungpi veng an thlen khalah khuami pawl ih inzuat ṭilva Vok, Ar le Mee tvk an kap that sak ih mi inn sungta ei-in ding khal an fir tiah kan thei.

Ralphaw ih hman mi kaihkhih tuar mino ṭhenkhat khal an um nan zaanlamri ah an thlah saal tiah khuami pakhat cun a sim.

Mizaan lam ah CNO/CNDF in pengpihuap ralrinpeknak an nei bangin Falam-Hakha ziinpi ih khuami tamzet cun caamkhat hrang khua suahsan in beunak an hawl tiah kan thei.

Leave a Reply

Your email address will not be published. Required fields are marked *