SAC ralhraang in Salai Alom ih ruak a thupten Ur ziam ral

Kalaymyo Thawnginn ah SAC ralhraang kut tuar ih nunnak liam Salai Shalom Siang Thang Lian ih ruak cu ralhraang in a thupten an Ur ziamral tiah theih a si.

A sungkhat unau le biaknaklam hruaitu ṭhenkhat in Falam ah a ruak phur tlung dingin Kalaymyo an pan nan, a hmel khal hmu man lo`n ralhraang pawl in an rak Ur zo tiah theih a si.

Alom ih uu, ramdangum Jessica Par cun “Na ruak pom ding te hman kan ngah lo. Uico pawl in an rak ur man cu teh maw. Nan, nataksa cu an lo siah suah sak nak na thlarau cu hnangamten cawl aw maw.”

“Kan tuarnak cu a hlo dah lo ding nan tuar thiam in nun kan rak zuam ding maw nau. Cu le kan tongawk tikah nuam zetin thu kan rel tlang hai sal ding cu maw” ti`n Facebook cahmai ah a tarlang.

A ruak Ur nak hmun khal a sungte pawl in an thei lo ih, a tu ah a ruhro vutzam te tal, pangaiten Falam ah Vui thei dingin a ruak Ur nak hmun an hawl lai tiah kan thei.

Siarbet : CNDF ralkap Shalom Siang Thang Lian thih thu ah CNDF Spokesperson le CNDF ralbawi Annka

CNDF ralkap Shalom Siang Thang Lian thih thu ah CNDF Spokesperson le CNDF ralbawi Annka

Leave a Reply

Your email address will not be published. Required fields are marked *