SAC ralhraang in Chinmi umnak Khua 2 an luhcilh

Naypyitaw-Yangon ziinpi kiang ih Chinmi umnak khua 2 cu September 3 zingthlapit ah SAC ralhraang luhcilh an tuar tiah theih a si.

Bago ramṭhen, Kyauktadakha peng ih Chinmi umnak AungMinKung khua le SitBoGyi khua cu Sep 3 khuavang hlan ah SAC ralhraang in an luhcilh ruangah pacang ṭhenkhat le mino tamzet cu himnak hawl in hramlak ah an beu tiah khuami pakhat cun a rel.

“Innpatlel uksuh ih kan mah Chinmi umnak khua 2 ah kut tuah meithal a um ti`n thuthang a suak ruangah ralkap pawl in zinglam nazi 4 hrawng ah in luhcilh.”

“NLD party sungtel mipahnih telin mi 10 an kai lawk. Ziinpi lam ah an hrui ih thusutnak an nei hnu, sunlai hrawng ah an thlah thluh sal” tiah khuami pakhat cun Khit Thit Media hnen ah a sim.

Ralhraang pawl ih luhcilhnak khua cu Naypyitaw-Yangon ziinpi thawn peng 2 hrawng lawng a hlat aw ih, dalan zualkotu an um ruangah luhcilh an tuar si ding zum a um thu khuami cun a rel.

“Khua luhcilhtu an tam zet. AungMinKung khua ah burkhat, SitBoGyi khua ah burkhat ti`n a hranhranten an ra ih meithal an ra hawl. Nan, an hlawhsam. Zianghman a um lo tikah hmuh ding zianghman a um lo” ti`n khuami cun a rel.

Leave a Reply

Your email address will not be published. Required fields are marked *