SAC ralhraang in Chin ram PDF sakhaan pakhat an la

SAC ralhraang thuthang pholang ṭheutu internet cahmai pawl ah Gangaw-Hakha karlak ih um PDF sakhaan pakhat cu SAC ralkap in April 1 zinglam nazi 10 hrawng ah an lak sak tiah an tarlang.

PDF sakhaan cu Hakha peng, Lungcawi khua le Leium khua karlak ih um mi sivekin tarlang a si ih PDF riahbuk le bungbel thilri an lak mi zuk pawl cu online ah an tarlang.

Ralhraang pawl PDF sakhaan an thlen ah mipi lamṭang PDF ralkap zo hman an rak um nawn lo ti a si ih, Fangfai, meiceet, Thantar le rawlsuannak bungbel pawl an lak sak tiah theih a si.

PDF sakhaan tiih tarlangmi online zuk darh mi pawl ah puan hring thawn sakmi riahbuuk 3 hrawng cu a lang.

“Mipa riahbuuk” ti`n le “PDF” tiih cangan mi tarlang a si cih nan khawitawk PDF pawl an si timi cu an tarlang tel lo.

Leave a Reply

Your email address will not be published. Required fields are marked *