SAC Ralhraang ih remdaihnak hrang thurel sawmnak cu CNF/A in hitin a let

Ramsung buainak tawthoktu SAC ralhraang cun mipi ngaithiam theihlo siarcawklo sualnak phunphun an tuah hnu ah rampumhuap hriamkai pawl thawn kumkhaw daih remdaihnak tuah dingin sawm nak an tuah.

Cuih thu thawn pehpar in CNF ṭuanvonei Salai Htet Ni cun an co hlang le hlang lo thu cu hitin fiangzetin a rel.

“Atufang kan ram boruak zoh tikah, Dothlengnak tuah rerolai a si vekin mipi lamṭang kan si ceng cun ralhraang sawmnak zianghman cohlangding kan si lo. Thurel sawmnak khalah feh ding a si lo.”

“2008 Daanhrampi cohlangtu cun Ralhraang sawmnak cohlangin ralkap thawn thu an rel tlang khal a si thei. Nan, kan nih cu 2008 Daanhrampi cohlangtu kan si lo. Uknak a latu SAC ralkap sawmnak kan cohlang lo. Thurelnak khalah kan feh lo ding” tiah CNF ṭuanvonei Salai Htet Ni cun a rel.

SAC ralhraang in 2022, February 6 ih remdiahnak hrang hriamkai pawl thurel a sawm mi cu KNU, AA, TNLA le MNDAA tipawl khalin an cohlang lo tiah theih a si.

Rampumhuap hmuntamzet ah kahdonak nasazet a suak hnu, tuvek dinhmun ih remdiahnak hrang ralhraang in a tawlrel mi cu an dinhmun a derthawng thlang ruangah a si thei ti`n rampi boruak thlirtu mithiam pawl in an rel a si.

Leave a Reply

Your email address will not be published. Required fields are marked *