SAC ralhraang ih CNF do tum dan thuthup cipciar a puut darh

Ni 3 sungih Laitlang pantu SAC ralhraang mawṭaw 50 lenglo cu CNF do dingin Chinram ah an ra mi a si tiah rintlak Chin Human rights Organization cun Twitter ah a tarlang.

Ralkaptlan hnen ihsin thuthang don mi sivekin tarlang a si ih “a ra lai ding mi tikcucaan ah CNF Headquarters an kap tum. An thuthup cipciar cu ralkaptlan hnen ihsin kan hmu” ti`n CHRO cun Twitter ah a tarlang ih Ralhraang pawl ih thuthup dang cu an ngan tel lo.

October thla thok lam ih thuthang a puut darh vekin SAC ralhraang pawl cun October 9 ihsin Chinram nor dingah timlamnak an nei rero zo tiah theih a si ih, October 9 ihsi thok, ni 3 sung ah raldonak mawṭaw telin mawṭaw 50 luan thawn Laitlang an pan zo tiah kan thei.

Ralhraang mawṭaw 50 lenglo cu October 12, zaanlam nazi 5:30 hrawngah Lumbang ah thlengin Tlawnginn ah zaan an riak ta tum tiah theih a si.

Siarbet : SAC Ralhraang in ralkap mawṭaw 50 lenglo Laitlang ah a kuat zo bangin, CNF khalin tuahcahtawi aanka an thlah ve zo

SAC Ralhraang in ralkap mawṭaw 50 lenglo Laitlang ah a kuat zo bangin, CNF khalin tuahcahtawi aanka an thlah ve

Atufang Saklam Chinram boruak sosang lam a pan lai fang ah CNF Spokesman cun hitin thazangpeknak annka a thlah.

“Tuni hi Chinram santhuanthu ah Cerek thawn sah zetih kan thuanthu ngan khum dingni nipi a si.”

“Kan cem ral ding a si khal le raldo dingih kan tiamkam mi ruat/siar saal in Pathian hnen ah apaw uh si. Ka cah duhmi cu ralkapbu ah phuahlam hawl timi a um ve lo. Tlunlam thupek ngaicang in le kan neh ding timi lungput pu phah in kan neh tengteng ding.”

Ni 3 sungah Chinram pan in Ralhraang mawṭaw 50 lenglo a so zo

SAC ralhraang pawl cun an tuar nat cuangnak Sagaing le Chinram cu October 9 ihsin kan nor thok ding tiah tu thla thok lam in khua an khaang cia zo.

Kawlralkap santhuanthu ih a um dah keel lo mi, raldonak hmunram pakhat ah ralbawi 2 hoha dingin rem an ruat ih, October 9 zinglam in raldonak mawṭaw le ralkap tamzet Laitlang pan in an soter.

Tuizing October 11 ih Laitlang lam a so bet mi ralkap mawṭaw telin ni 3 sungah SAC ralhraang in Laitlang lam ah mawṭaw 50 lenglo a kuat zo tiah theih a si.

Leave a Reply

Your email address will not be published. Required fields are marked *