SAC ralhraang ṭih ah Loklung khuapawh in khua suahsan

Hakha peng, Loklung khua cu tuizing ah SAC ralhraang an thleng ruangah midamlo innsang 2 siarlo, khuapawh in hramlak ah an tlan thluh tiah theih a si.

“Atu hi hramlak ah kan tlan thluh. Khua ah cu midamlo innsang 2 lawng an tang. Ralkap pawl cun mawṭaw cycle pakhat le inn pakhat an urkang. Inn pakhat an bauh ih anmahten rawl an suang” tiah Loklung pastor in The Chin Journal hnen ah a sim.

Tulai hi Hakha peng sung ah SAC ralhraang le CDF Hakha karlak doawknak a um ṭheu ruangah le May 19 ih suahmi Myanmar Alin thuthang nganmi thawn pehpar in ralkap pawl an thleng si pei maw tiah ruahnak a um.

May 19 suahmi Myanmar Alin ahcun “May 17 ah hriamkeng miburkhat nih Lai meithal thawn Hakha palik checkpoint an siim ih Loklung khua lam pan in an tlan” tiah an ngan a si.

The Chin Journal

Leave a Reply

Your email address will not be published. Required fields are marked *