Ruahpi Ceen ruangah Laiva le Vaar tipi Ṭhang vivo

Indian tipithuanthum lam ih boruak ruangah Chin ram hmun ṭhenkhat pawl ah ruahpi nasa zetin a sur ih tipi pawl khal an ṭhang cakzet tiah theih a si.

Cutiih, ruahpi ceen nak ruangah Falam, Manipur tivapi khal a ṭhang vivo ih August 4 zinglam nazi 6:30 ah 7 cm, Sun nazi 12:30 ah 14cm, Zaanlam nazi 6:30 ah 15 cm le August 5 zinglam nazi 6:30 ah 11 cm ti`n ruahsurnak ruangah a ṭhang vivo tiah Vaar khua ih nikhuazoh zung in an phuang.

Cuvek ṭhiamṭhiam in Falam, Laiva tipi khal ruahsurnak ruangah a ṭhang vivo ih August 5, zinglam nazi 11 hrawng ah pangai hnakih feet 1 le inches 6 in tidai a ṭhang tiah ṭuanvo neitu pawl in an sim a si.

Asinan, cutiih tidai a ṭhang mi cu ṭihnung ding khawp in a sang hrih lo ih, ṭuanvo neitu pawl in sun,zaan in an kil ringring tiah theih a si.

IPRD

Leave a Reply

Your email address will not be published. Required fields are marked *