Rinsanmi upa pawl in Chin raltlan hrang Lamziin sial sak rero

India Central cozahpi tiang tongin Myanmar (abikin Chin) raltlan pawl hrang hmalaknak neitu Mizoram Chief Minister Pu Zoramthanga cu US ram ihsin vatlawngtu Chin hruaitu ṭhenkhat le MRRCM hruaitu ṭhenkhatin Cibai buknak neiin April 13 ah a zung ah an tong a si.

Mizoram CM Pu Zoramthanga vatongtu ah FBCI (USA) Senior Pastor Rev. Dr. Ci Lian Kap le Chairman Pu Van Tuah Piang, CBANA Chairman Rev. Sa Tin Lal le Myanmar Refugee Relief Committee – Mizoram hruaitu ṭhenkhat an tel ih, Chin raltlan pawl umhmunhlum rakpetu CM Pu Zoramthanga cu cibaibuk phahin sunloihnak capi an pe cih tiah kan thei.

Sunloih capi pekawknak hi a rak theitu hrang ahcu thil lo lak men a si thei nan, a dongtu hrang ahcun lunghmuiza a si.

Curuangah Chin hruaitu ṭhenkhat in CM Pu Zoramthanga sunloihnak capi an pe cu Chin raltlan pawl hrang lamzin sialsak thawn a bangaw a si.

Leave a Reply

Your email address will not be published. Required fields are marked *