Rihkhawdar Palik in Rittheih Sii Ting 140 luan man le A phurtu Chin pa An kai

Rihkhawdar palik in September 6 ah Pa Tawk Hlawn Piang kut sung in kyat 14250000/ man hrawng, rittheih sii an kai tiah theih a si.

Rihkhawdar palik in Covid – 19 karhzailo dingin le dokham in, daan lo in ramsung lutsuak an um maw, um lo timi, India-Myanmar ramri kilhimnak an nei laiah Pa Tawk Hlawn Piang cu caphawk kuang keng in Ṭio khatlamral a kaan tum lai an hmu ih rinhleh a um deuh ruangah thusutnak an nei.

A thil keng mi an zohsak tikah hmuk le saatpiakhuat pawl lakah Bing (rang/orange rong) siding zum um mi thilphut an hmusuak ih, amah cu Rihkhawdar palikzung ah thusutnak neibet dingin an hruai.

Bing siding zum um mi thilphut cu 150 gram hrawng a rit ih kyat 14250000/- man hrawng a siding tiah IPRD Rihkhawdar Facebook cahmai ah an tarlang.

Pa Tawk Hlawn Piang cu Rihkhawdar, No 2 veng ih um a si ih, tu ah daan pahbal in rittheih sii a phur ruangah riit sii dokham thubuai orhter in Rihkhawdar palik zung ah khih hreng in a um a si.

IPRD Rihkhawdar

Leave a Reply

Your email address will not be published. Required fields are marked *