Rihkhawdar ih Mithattu A Phuang Aw Thluh

Pu Kap Hlei Piang (kum 43) thattu hi South Chin, Mindat lam mi a si ih a hmin cu See Thang (Thanga) a si. Kum 28 upa a siih Ṭoi kiangkap ih hna a ṭuannak kum 1 a luan zo. Pathian thu buaipi zettu a siih a ṭongdan le a umdan pawl kan zoh tik ah mi pangai lo si in a lang.

That tuartu Pu Kap Hlei Piang (kum 43) hi Suangdo khua mi a siih Rihkhawdar ah Television Sub, Emission Department Incharge dinhmun ih hnaṭuan a si. Kum 2004 in Rihkhawdar ah a um zo ih Nupi fanau thawn khawsa an si.

November 3, Zing nazi 10 hrawng ah Ralkap camp kiang a hnaṭuannak Micro Tower Engineer room ah a feh.

Zaanlam nazi 2 luan hrawngah a nupi in a hnaṭuannak ah a va pan cu innsung lam in sang ka a hren aw. Mithattu Thanga le Pu Kap Hlei Piang cu innsung ah Pathian thu an rak ruah aw.

Innteknu cun sangka a king ciamco ih ‘Pu Kap Hlei Piang cun kan nu a si sangka va ongaw ti`n Thanga cu a fial.

Thanga in sangka bi ten a ong cu Innteknu in ‘hnaṭuan ṭul, rak tlung thlang aw. Kha pa` Pathian thu sim men ah na piangthar cuang lo ding ti`n a hei ouh hnu ah Thanga cun sangka a khar sal ih sung lam in a hren.

Cutiih sangka an hren sal ruangah innteknu cu inn lam pan tum in a suk sal.

Pu Kap Hlei Piang ih hnaṭuannak Department quater hi khua thawn a hla aw nawn ih that a tuar nak hmun khal a hnaṭuannak quater thawn a hla aw zet.

Zaan lam nazi 5 hrawng tiang a pasal tlun ti a neih lo ruangah inntek nu cun Micro Tower Engineer room lam a va pan sal cu innpi a rak dai ṭhepṭhep. Lenglam in sangka a rak kalhaw ih a kiangkap ah thi le hnai mal te a hmu.

Thi le hnai a hmu ruangah helhkamnak thawn kiangkap a dap kual nan zianghman a hmu lo ruangah innziin lam pan in a kir sal.

Lamziin ah an pa cuan phah in caan tawk mawi a um hnu ah mithattu Thanga cu an pai` lunggyi thawn thil fun mi khai phah in a hei hmu.

Lunggyi sung ihsin thisen for kohkoh mi a hei hmu ih innteknu cun ‘ding aw. na khai mi kha ziang a si. kan pai` lunggyi a si kha’ a ti ih Thanga cu thinphang in a tlan tum.

Innteknu cun thil ciang lo a um ti`n zumnak a nei ruangah bawm dil in a au ciamco. A au awthawm cu an umnak kiang, phungki tlawng ih tibual ralkap pahnih in an thei ih va bawm dingin an va pan lohli. Thanga cu a tlan cih ih ralkap pahnih cun an dawi ciamco hnu ah an kai ngah.

**Atlun lam ih ca hi thuhla umdan thei ciangtu in Facebook ih a thlah mi kan let sal mi a si**

Tualsung um hnen ih kan theih dan vek a si le Thanga hi Pathian thu atcilh fehsual a siih pathian in, in fial ruangah Pu Kap Hlei Piang ka that mi a si ti`n a phuangaw.

Pu Kap Hlei Piang ruak cu Siizung lam in zohfelnak an nei hnu ah sungkhat unau hnen ah up sal in Thlanmual lam ah a ruak vui nak an nei zo a si.

**Hih post thawn pehpar in rem a ti lo tu nan um pang a si le in sim thei uh la kan delete sal ding….

Leave a Reply

Your email address will not be published. Required fields are marked *