Ramsung, Ramleng sumpai thawh khawm mi thawn Falam ah Oxygen Plant thar an bun

Falam : Kan dung kum lam ihsin an buaipi rero zomi USD 65,000 man Oxygen Plant cu March 27 ah an bun fel zo tiah theih a si.

Chin Relief-rehabilitation and Community Development Foundation (CRCDF) tawlrelnak thawn nikum lam ihsin an cah zomi a si ih Yangon ih an cahnak company pawl in March 27 ah an bun sak suak a si.

Oxygen Plant cu ramsung ramleng sumpai thawh khawm mi thawn leimi a siih, a mamawhtu hrangah khuasung Laikhua ti um loin refill tuahnak hrangah an hmang tum a si.

Oxygen Plant thar cun ni 1 ah oxygen dur 40 liter tlem pawl dur 60 hrawng a pesuak thei.

Falam ah Oxygen Plant pahnih a um ih pakhat sawn cu Siizung mina pawl in an ihkhun kiang ihsin hawp cih thei dingin pipe line system thawn an hmang a si. (CH)

Leave a Reply

Your email address will not be published. Required fields are marked *