Rampi thuron ASSK in Covid – 19 Falam Volunteer pawl Sunloih Capi a kuat mi pekhlanawknak an nei

Covid – 19 nathrik lak ihsin Falam khuapi kilhimtu Covid – 19 Falam Volunteer le Falam khuapi him dingin Covid 19 dokham hmalaknak ih ahlu petu sunlawih capi peknak cu January 4, zinglam nazi 10 ah Falam Seenpi Run Inn thar ah hluanghlai zetin an tuah.

Covid – 19 boruak ah teimak suah in Falam khuapi kilhimtu Covid – 19 Falam Volunteer pawl cu rampi thuron Daw Aung San Suu Kyi in 2020 kumlai lam ah sunlawihnak ca ropi a rak kuat hai.

Cuih sunlawihnak ca ropi cu Covid 19 boruak reh deuh tikah pekhlanawknak nei dingin tawlrel a rak si ih, tui` ni January 4 ni ah Covid – 19 Falam Volunteer ṭuanvonei mipum 32 pawl hnen ah sunglawi zetin Falam/Chinram cozah ṭuanvonei upa pawl in sunlawihnak capi pekhlannak an nei a si.

Cuih tlun ah Falam khuapi him dingin Covid 19 dokham hmalaknak ih ahlu petu mipum 66 pawl hnen khalah Covid – 19 Falam Volunteer ṭuanvonei lam in lungawi thusimnak le sunlawihnak capi peknak an nei a si.

Falam khuasung um upa pakhat cun “Minung ting tel nunnak la tu Covid 19 nat lak ihsin Falam khuapi kilhimtu an si ruangah sunlawih phu hrimhrim an si. Covid 19 dokham hmalaknak ih ahlu petu pawl khal upat sunlawihnak pek phu an si. An hnaṭuan mi hi a ropi zetih hivekin lungrual zet ih hna kan ṭuan tlang ringring a si cun kan khuapi khal a ṭhangso sinsin ding” a ti.

Leave a Reply

Your email address will not be published. Required fields are marked *

error: hahahahahaha !!