Ram le Mipi hrang ah FMP a cangvai thok tum

Falam khuapi hrang ih teimak suah ringringtu Falam Mino Pawlkom cun ralkap Uk nak hnuai ih vansang thinhar ih um mipi hrangah cangvaihnak a nei thok tum tiah theih a si.

Cozah pawlkom thawn pehtlaiawknak neinawnlo Falam Covid-19 Volunteer thawn kutzatlang kai in Falam mipi hrang le ram hrang ah hmalaknak neithok an tum ih tuah-ṭuan dingih tumtahmi pawl cu …..

1. COVID-19 lak ih kan him theinak hrang Falam Covid-19 Volunteer pawl thawn kut kai thlah lo in hmai kan nor tlaang vivo hrih ding. Check gate lam khal Covid-19 Falam Volunteer thawn minung le caan semrem awk in a tha bik in kan kil hrih ding. Acozah lam ih thupeknak tangah si lo in mipi ih tul daan ihzir in mipi hrang kan ti thei tawk kan tuan tlaang ding.

2. Simcia a theih lo mi le mi bur funkhawm awknak a tello mi cangvaihnak pa hnihkhat (tui ni ah).

3. FMP in Falam ih um mi mipi lak ih a tel duhtu pohpoh hnen ah Red Ribbon Campaign telpinak hrang red ribbon kan zem ding. Zarhte ni ihsin red-ribbon campaign telpinak cu nei thok ding a si ih cui ni ihsin Falam khuasung ih ummi mipi pawl in kan rak zemmi red ribbon thawn kan rak zuk awk cio pei ih zarhkhat sung kan fb profile ah kan hmang cio pei!

Cangvaihnak nei thok dingmi cu Myanmar ralkap in rampi thuneihnak a cuh hnu, hmasabik kekarnak hrang ih tumtahmi a si ih hmailam tikcucaan khalah a rem dan ih zirin cangvaihnak an nei pehzom vivo tum tiah theih a si.

Leave a Reply

Your email address will not be published. Required fields are marked *